KABLA HAUJAFANYA BIASHARA NI VEMA UFANYE MAMBO HAYA

Faraja Gasto

+255767955334

Utangulizi

Katika makala hii ninapenda kufundisha watu ambao tayari wana mitaji ya biashara, wako tayari kufanya biashara.

Yafuatayo ni mambo ya kufanya kabla haujaanzisha biashara;-

1.Tathmini mazingira unayotaka kuweka biashara yako ili ufahamu fursa zilizopo

Sio busara kuanzisha biashara ikiwa haufahamu vema mazingira unayotaka kuweka biashara yako, usianzishe biashara maadamu una mtaji, anzisha baishara baada ya kufahamu uhitaji wa watu katika eneo husika.

Ukianza kwa kutathmini mazingira ndipo utafahamu fursa zilizopo katika eneo husika, utafahamu huduma gani au bidhaa gani zinahitajika katika eneo husika.

2.Angalia aina ya makazi yaliyopo

Ukitaka kujua hali za kipato za watu angalia aina ya makazi wanayoishi, kwa mfano kama makazi yako karibu karibu na hakuna uzio(fence) maana yake ni kwamba watu waishio kwenye eneo hilo wana kipato cha kawaida au kipato cha chini.

Hii itakusaidia katika kupanga bei za bidhaa zako au gharama za utoaji wa huduma.

3.Tafuta kufahamu aina ya watu wa eneo husika

Kwa mfano kama eneo hilo lina waislamu wengi uwe na uhakika ukianzisha biashara ya kuuza nguruwe haitakulipa, kama kuna wasabato wengi uwe na uhakika biashara ya kuuza bidhaa zifuatazo haitakulipa; biashara ya kuuza soda aina ya cocacola, biashara ya kuuza majani ya chai ya kahawa n.k

4.Angalia umbali uliopo kati ya makazi na huduma za jamii

Kwa mfano kama kuna maduka mawili hapo mtaani na yanategemewa na mitaa mingine maana yake ni kwamba fursa ipo, ukiweka duka utapata faida.

5.Fahamu taratibu za kisheria ambazo unatakiwa kuzifuata kabla haujaanzisha baishara

Kwa mfano suala la leseni n.k

6.Fahamu gharama zinazohusiana na biashara

Kwa mfano gharama za eneo la kufanyia biashara, gharama za kumlipa mlinzi (kama utahitaji mlinzi), gharama za umeme (kama utatumia umeme) na gharama zingine.

7.Tathmini uwezo wako na kisha tumia fursa mojawapo kati ya zilizopo.

Baada ya kufanya tathmini kuhusu hayo mambo matatu hapo juu ndipo utazame uwezo wako wa kiuchumi unakuruhusu kufanya biashara gani katika eneo hilo.