MADHARA YA KUCHUKUA AU KULALA NA MKE WA MTU

 

Kuchukua au kulala na mke wa mtu ni jambo lenye madhara makubwa japo si wengi wanafahamu ndio maana Mungu amekataza hata kumtamani mke wa mtu (KUTOKA 20:17b)

 

Dhambi ya kulala na mke wa mtu, Yusufu aliita UBAYA MKUU (MWANZO 39:6-9)

 

Mfalme Abimeleki alipochukua mke wa mtu, MUNGU ALIYAFUNGA MATUMBO YA WATU WA NYUMBA YA ABIMELEKI ILI WASIZAE WATOTO, TENA MUNGU ALIKUSUDIA KUWAANGAMIZA WOTE (MWANZO 20:1-18) Japo Abimeleki hakulala naye lakini kumchukua mke wa mtu lilikuwa kosa.

 

(2 SAMWELI 11:2-27)

Mfalme Daudi alichukua mke wa mtu akalala naye akabeba mimba kisha Daudi akamuua mume wa yule mwanamke, jambo lile lilisababisha nyumba ya Daudi ikaandamwa na matatizo makubwa, soma (2 SAMWELI 12:11-18) soma 2 SAMWELI sura ya 13, 14, 15 n.k

 

Angalizo

1. Mwanamke aliyeachwa na mumewe sio mjane, usilale naye kwa kuwa bado ni mke wa mtu.

2. Usimuue mume wa mtu ili uchukue mkewe.

3. Haimaanishi ni halali kuchukua mume wa mtu.

4. Usimuachanishe mume na mke ili uchukue mkewe.