KUJIPAMBANUA

 

Hili ni somo maalumu kwa ajili ya watumishi wa Mungu hususani walioitwa na Mungu katika utumishi.

Jambo mojawapo la muhimu sana katika maisha ya utumishi ni KUJIPAMBANUA.

Kujipambanua ni kufahamu au kuwa na uhakika MUNGU AMEKUITA KUFANYA NINI, kumbuka Mungu hajakuita kufanya kila kitu bali lipo jukumu au majukumu ambayo anataka uyatekeleze.

 

(Mathayo 4:18-20)

Yesu alipowaita Petro na Andrea aliwaambia "nifuateni nami nitawafanya kuwa wavuvi wa watu"

 

Kwa hiyo Petro na Andrea walijipambanua wameitwa kuwa wavuvi wa watu kwa kuwa aliyewaita aliwaambia amewaita kufanya nini.

NB: Kile ambacho Mungu amekuitia ndicho atakachokufundisha kukifanya, Mungu hawezi kukufundisha kile ambacho hajakuita kukifanya ndio maana alipowaita Petro na Andrea aliwaambia wamfuate atawafanya (atawafundisha) kuwa wavuvi wa watu.

 

(Yohana 1:19-27)

Yohana alipoulizwa wewe ni nani? alijibu kuwa "mimi ni sauti ya mtu aliaye nyikani"

-Yohana alijipambanua kuwa ameitwa kutangulia mbele ya Yesu kumtengenezea njia.

 

Je! Wewe mtumishi umeitwa kufanya nini?

Msisitizo: sio vema kudumu katika maisha ya utumishi bila kuwa na uhakika Mungu amekuita kufanya nini au bila kuwa na uhakika Mungu anataka ufanye nini.

Usipokuwa na uhakika umeitwa kufanya nini utajikuta unafanya chochote lakini fahamu kuwa Mungu hajakuita ufanye chochote.

 

(Warumi 1:1)(1 Wakorintho 1:1)(Waefeso 1:1)

Ukisoma maandiko hayo utaona mtumishi wa Mungu Paulo akijipambanua kuwa aliitwa kuwa mtume wa Yesu Kristo.

 

(Hesabu 16:28)

Musa alijipambanua kuwa ameitwa kuwaongoza wana wa Israeli, hata watu baadhi walipomuinukia hakubabaika kwa kuwa alikuwa na uhakika kuwa aliitwa kuwaongoza wana wa Israeli.

NB: Ikitokea vita wakati unatembea katika wito wako utaona Mungu akikupigania lakini ukikutana na vikwazo halafu hauoni msaada wa Mungu uwe na uhakika kuwa Mungu hakukuita kufanya hicho unachofanya ndio maana haupati msaada wake.

Hivyo basi kuliko kuendelea kujitaabisha ni heri umuulize Mungu amekuita kufanya nini, USIJITAABISHE KUFANYA MAMBO AMBAYO MUNGU HAJAKUITA KUYAFANYA.

 

Mathayo 4:18-22

Yesu alipowaita Petro na Andrea aliwaambia "nifuateni nami nitawafanya kuwa wavuvi wa watu"

Lakini alipowaita Yakobo na Yohana hakuwaambia maneno aliyowaambia Petro na Andrea.

 

NB: Mungu anaweza kukuita lakini asikwambie hapohapo amekuita kufanya nini lakini kadiri utakavyotulia miguuni pake atakuambia alichokuitia, hivyo basi usianze kujivika vyeo, majina n.k tulia miguuni pa Bwana atakuambia alichokuitia, pia Mungu anapoita watu huwapatia kazi tofautitofauti (japo wanaweza kuitwa kwenye ofisi moja lakini majukumu yatatofautiana) kwa hiyo usidharau kazi aliyokupa Mungu, usifanye kazi walizopewa wengine tena usitake kuiga jinsi wengine wanavyotumika (usitake kufanana na wengine.