ONDOKA UANGAZE

Faraja Gasto

0767955334

“Ondoka, uangaze; kwa kuwa nuru yako imekuja, Na utukufu wa Bwana umekuzukia”

(Isaya 60:1)

Utangulizi

Hayo maneno yaliyoandikwa kwenye kitabu cha (Isaya 60:1), walikuwa wanaambiwa wana wa Israeli kuwa waondoke waangaze kwa kuwa nuru yao imekuja.

NURU NI MWANGA ambao unatakiwa kuangaza.

KAZI MBILI ZA NURU

11.  ni kumuangazia mtu ili asijikwae

22.  kuondoa giza.

AINA KADHAA ZA NURU

1.Nuru ya jua    2.Nuru ya mwezi   3.Nuru ya umeme  4. Nuru ya radi   5.Nuru ya taa (chemli)   6.Nuru ya koroboi

Hizo ni baadhi ya Nuru.

NURU KATIKA AGANO JIPYA

(Yohana 1:9) – YESU NI NURU

Biblia inasema Yesu ni nuru ambaye anamtia nuru kila mtu anayemwamini, kwa hiyo kama umemwamini Yesu fahamu kuwa wewe una nuru na wewe pia ni nuru.

(Mathayo 5:14-16) – SISI WAKRISTO NI NURU

Biblia inasema sisi ni nuru ya ulimwengu, kwa hiyo NURU YETU INATAKIWA KUANGAZA MBELE YA WATU

JUKUMU LETU SISI WAKRISTO

Jukumu letu kubwa sisi wakristo ni KUANGAZA kwa kuwa sisi ni nuru ya ulimwengu, kwa hiyo tuna kazi ya kuwaangazia watu wasijikwae au wasianguke na pia tuna kazi ya kuondoa giza kwa kuwa kazi mojawapo ya nuru ni kuondoa giza.

ILI NURU YETU IANGAZE LAZIMA TUFANYE YAFUATAYO

(MATHAYO 5:15)

Biblia inasema watu hawawashi taa na kuiweka chini bali wanaiweka juu ILI IWAANGAZIE WATU waliomo ndani, hiyo ni sawa na kusema tunapompokea Yesu ambaye anatutia nuru lazima tufanye yafuatayo

1.Kuwaambia wengine habari za Yesu (Nuru)

Unapoaambia wengine habari za Yesu ni sawa na kuwapelekea watu nuru kwa kuwa wote ambao hawana Yesu wako kwenye giza, unapowaambia habari za Yesu unakuwa unawapa nuru ili wasitembee kwenye giza.

Biblia inasema Yohana mbatizaji aliishuhudia ile NURU ambaye ni Yesu yaani maana yake ni kwamba Yohana aliwaeleza watu habari za Yesu ambaye ni nuru ili watu wapate kumuamini, soma (YOHANA 1:6-7)

2.Matendo yetu yanatakiwa kuwafanya watu wamtukuze Mungu

(MATHAYO 5:16)

Biblia inasema NURU YETU IANGAZE ili watu WAPATE KUYAONA MATENDO YETU MEMA wamtukuze Mungu.

Kwa hiyo sisi kwa kuwa ni nuru ya ulimwengu tunatakiwa kuangaza kwa njia ya matendo yetu mema ili watu watakapoyaona matendo yetu mema wapate kumtukuza Mungu.

Matendo yetu yakifanyika nuru lazima watu watakuja kwa Yesu na pia lazima watu watatamani kusikia habari za Yesu.

(1 PETRO 3:1-5)

Biblia inasema wanawake wa zamani walijipamba kwa matendo mema, matendo mema yana nguvu ya kuwavuta watu waje kwa Yesu Kristo hata kabla hawajahubiriwa habari za Yesu, soma (1 PETRO 3:1)

Mwisho

Sisi wakristo tuna wajibu wa kwenda kuangaza kwa kuwa sisi ni Nuru na pia tunaye Yesu aliye nuru.

Tunapoangaza tunawafanya watu wasijikwae, wasitembee gizani kwa kuwa mahali palipo na nuru lazima giza litatoweka.