NAMNA YA KUPANUA SOKO LAKO

Faraja Gasto

Utangulizi

Tunapozungumzia kupanua soko hatuwezi kuepuka kuzungumzia mambo makuu mawili

1.Uhitaji (Demand)

2.Usambazaji (Supply)

àHayo ni mambo ambayo unatakiwa kuyafikiria kabla ya kufikiria kupanua soko

Kupanua soko la bidhaa inahitaji MIKAKATI(strategies)

Ijulikane kuwa kupanua soko haina maana ni kuongeza ukubwa wa eneo unalofanyia biashara bali ni kuifanya biashara yako ijulikane sehemu tofauti tofauti hatimaye upate wateja wengi zaidi katika biashara yako.

Ila kabla ya kuwaza kutanua soko lazima mfanyabiashara awaze UHITAJI WA BIDHAA (Je! Bidhaa yake inapofika mahali fulani itanunuliwa na watu wa eneo husika?), nimesema hivyo kwa sababu kupanua soko ITAHITAJI GHARAMA,  kwa hiyo gharama utakazotumia kutanua soko lako lazima uhakikishe zinarudi. Pia watu wengi huwa hawatumii kitu ambacho hawakifahamu vema (hawajakizoea).

Mbinu kadhaa za kupanua soko

1.Tangaza biashara yako au bidhaa zako (Advertising your products)

-Zipo njia nyingi za kutangaza biashara yako kwa mfano unaweza kuitangaza kwa kuwaambia watu walio karibu na wewe au kwa njia ya mtandao wa intaneti,  redio,  televisheni, P. A (public Attention) n. k,  itategemea mfuko wako umekaaje ndio maana nilikuambia kutanua soko ni suala la mkakati na linahitaji gharama.

Nikupe mfano, mitandao ya simu (Vodacom, Tigo, Airtel n. k), huwa wanawatumia meseji wateja wao ili kuwapa taatifa za ofa mpya n. K hizo ni mbinu za kutoa matangazo wanazozitumia ili wewe mtumiaji wa mtandao huo uvutike kununua hicho kifurushi n.k, kwa lugha ya kibiashara wanakuwa wanafanya MARKETING.

2.Tengeneza mabalozi wa biashara yako sehemu mbalimbali

-Nianze kwa kuupa mfano, naamini katika mtaa unaoishi unaona kuna mawakala wa mitandao kama vile mawakala wa Vodacom, Tigo, Halotel n.k, hizo kampuni za simu zinalenga kupanua soko lake kwa kuleta huduma karibu na wateja. Ikiwa uchumi wako uko vizuri unaweza na wewe ukapanua biashara yako kwa nia hii inayotumiwa na makampuni haya ya simu.

 -Namna rahisi ya kutengeneza mabalozi wa biashara yako ni kwa njia ya OFA (ila lazima uwe na tahadhari katika kutoa ofa usitoe ofa ovyoovyo jifunze kuwapa ofa wateja wa kudumu)

Nikupe mfano, kuna watu wakisikia Tigo wametoa ofa utashangaa kesho anatafuta line ya Tigo, ofa ikiisha si ajabu akatupa line,  kuna watu wakisikia Voda wana ofa utaona anatafuta line ya voda,  HAO SIO WATEJA WA KUDUMU,  kwa hiyo katika kuwapa ofa lazima uwe na tahadhari ili wasiishushe biashara yako.

Sababu mojawapo kwa nini ofa zinatolewa

Ni kwa sababu anayepewa ofa huwa anajikuta (automatically) amekuwa balozi au wakala wa huyo mtoa ofa, lazima atawaambia wengine kuhusu hiyo ofa,  wengine  wakiisikia lazima watachangamkia fursa.

3.Hakikisha una bidhaa zenye bei tofauti, ikiwezekana ziwe na muonekano au ladha tofauti

--Ni muhimu kufanya hivyo kwa sababu

(a)Uwezo wa kiuchumi wa wateja unatofautiana

(b)Wateja wanataka ladha tofauti au bidhaa za aina tofautitofauti

Kwa mfano kampuni ya Coca cola inatengeneza svinywaji balimbali kama Coca cola, Fanta, Sprite n.k

Wanafanya hivyo ili kupanua soko lao.