JE! UNATAKA FEDHA? IKIWA UNATAKA FEDHA JIFUNZE KUPANDA FEDHA

Faraja Gasto

Lengo la somo: ni kukufundisha namna ya kupanda fedha ili uvune fedha.

Utangulizi

Kati ya vitu ambavyo watu wanatamani kuwa navyo ni fedha. Tukitazama kwenye neno la Mungu tunaona Mungu anasema fedha na dhahabu ni mali yake (Hagai 2:8).

Tena Biblia inasema kwamba “fedha ni jawabu la mambo yote” (Mhubiri  10:19c)

Kwa sababu fedha ni jawabu la mambo yote ndio maana kila mtu anafanya jitihada za kupata fedha japo wapo wengine wanaotumia njia mbaya kupata fedha (wizi, kuuza miili, kuuza vilevi n.k).

Biblia imetoa tahadhari kwamba mtu yeyote hatakiwi kuipenda fedha maana shina moja la mabaya yote ni kuipenda fedha (1 Timotheo 6:10).

ANGALIZO: Ijulikane kuwa kutafuta fedha sio kupenda fedha ila kuipa fedha nafasi ya Mungu(nafasi ya kwanza maishani mwako) huko ni kupenda fedha.

KOSA AMBALO LINAWASABABISHIA WENGI WASIPATE FEDHA

Watu wengi wanaogopa kupanda fedha na wengine hawajui kuhusu kupanda na kuvuna.

(Wagalatia 6:7)

“Msidanganyike Mungu hadhihakiwi kwa kuwa chochote apandacho mtu ndicho atakachovuna”

Chochote unachopanda ndicho utakachovuna, kwa hiyo kama unataka fedha lazima ujifunze kupanda fedha ili uvune fedha. Kama haupandi fedha usitarajie kuvuna fedha hata ukifunga na kuomba, hakuna mahali popote kwenye Biblia panapoonyesha mtu alipata fedha bila kuzipanda.

MBINU ZA KUPANDA FEDHA

1.Jifunze kuwekeza  fedha (invest)

(Mathayo 25:14-27)

Huyu jamaa alipanga kusafiri, kabla hajasafiri aliwekeza fedha zake kwa watumwa wake watatu, watumwa wawili walilipokea zile fedha wakaziweka kwenye biashara ili ziweze kuzaa faida, mtumwa mmoja hakuwekeza fedha aliyopewa.

Wale waliowekeza walipata faida na ambaye hakuwekeza hakupata faida yoyote. Ninachotaka uone hapo ni kwamba uwekezaji ni njia ya kupanda fedha, unapowekeza unakuwa umepanda ipo siku utavuna.

Angalizo: Yapo makosa mengi ya kiuwekezaji ambayo yanawafanya watu wapate hasara mara baada ya kuwekeza, kwa kuwa sifundishi kwa undani kuhusu uwekezaji napenda nikuonyeshe kosa mojawapo linalowafanya watu wapate hasara mara baada ya kuwekeza. Kosa lenyewe ni kutofahamu mahali sahihi pa kuwekeza kutegemeana na wakati husika, mazingira unayowekeza na kiwango cha fedha. Ukisoma (Mathayo 25:14-27) utaona huyo tajiri aliwekeza kwa watu anaowafahamu vizuri, watu anaofahamu uwezo wao. Ingekuwa ni suala la biashara ningeweza kusema kwamba aliwekeza katika biashara anayoifahamu vizuri.

Mahali sahihi pa kuwekeza

1.Wekeza kwenye mambo ya ufalme wa Mungu kama vile kutoa fedha kwa ajili ya kufanikisha mikutano ya injili, kuwasafirisha watumishi wa Mungu, kusimama pamoja na watumishi wa Mungu, kutoa fedha kwa ajili ya ujenzi wa makanisa, ununuzi wa vyombo vya injili n.k

2. Wekeza wenye maisha ya watu, hili nitalizungumzia katika hiyo pointi namba mbili inayohusu “kuwapa watu vitu”

2.Wape watu fedha (give)

(Luka 6:38)

Biblia inasema “wapeni watu vitu” ukiwapa watu vitu utapokea maradufu zaidi ya ulivyowapa. Ukiwapa watu fedha utapokea fedha maradufu zaidi ya ulivyowapa.

Angalizo: Biblia haisemi wape wakristo vitu, bali inasema wapeni watu vitu ila katika kuwapa watu vitu hakikisha kipaumbele chako ni watu wa jamii ya waaminio (Wagalatia 6:10)

(Ayubu 29:1-17)

Ayubu anasema alipokuwa ana hali nzuri ya kiuchumi alikuwa akiwapa watu vitu vyake. Kumbuka huyu Ayubu alikuwa tajiri sana katika kipindi hicho na katika eneo alipokuwa, siri mojawapo ya utajiri wake ni kuwapa watu vitu.

Panua ufahamu wako kuhusu fedha

Ukitaja neno fedha watu wengi wataanza kuona sarafu au noti kwenye ufahamu wao, fedha sio sarafu na noti tu, fedha ni pamoja na kitu chochote chenye thamani.

Maana yake ni kwamba simu uliyonayo ni fedha, nguo ulizonazo ni fedha, viatu ulivyoavyo ni fedha.

Nakumbuka mwalimu wangu aliyekuwa akinifundisha somo liitwalo “Finance management” aliwahi kutufundisha kitu kinaitwa “cash equivalent” yaani ni sawa na kusema kwamba  “kubadili ulichonacho kuwa fedha” (converting things into cash), Yule mwalimu alitufundisha kwamba vitu ulivyonavyo unaweza  kuvibadili vikawa fedha, kwa mfano kama una saa ya mkononi hiyo ni fedha, kama una simu hiyo ni fedha. Njia mojawapo ya kubadili hivyo vitu kuwa fedha ni kuuza hico kitu ndio maana Yesu aliwahi kumwambia mtu Fulani “kauze ulivyonavyo kisha fedha wagawie maskini”.

Kwa hiyo suala la kuwapa watu vitu sio lazima uwe na fedha mkononi, hata nguo, saa, mkoba n.k hizo ni fedha.

3.Wape watu taarifa za fursa au kazi 

Mwl.Faraja Gasto

Mwanzilishi&Mwenyekiti wa Maarifa Team

+25567955334

farajagasto97@gmail.com/ farajagasto@yahoo.com