Umuhimu wa kukumbuka matendo makuu ya Mungu

FARAJA GASTO

Nakusalimu katika jina la Yesu lipitalo majina yote.

Watu wengi wanapopitia shida au changamoto mbalimbali hujikuta wamepoteza imani kwa Mungu jambo ambalo huwa linapelekea waanze kuwategemea wanadamu kuliko Mungu na hata kutafuta msaada nje ya Mungu.

Nataka nikuonyeshe umuhimu wa kukumbuka matendo makuu ya Mungu kwa kukupatia mifano kadhaa iliyomo kwenye Biblia.

1.Daudi (1 Samweli  17;23-24, 31-37)

Wakati ambapo Goliathi aliinuka na kuwatukana wana wa Israeli tunaona hakuna mtu aliyethubutu kwenda kupigana na Goliathi lakini Daudi aliposikia hayo matusi ilimuumiza sana na ilipomuumiza alikwenda kwa Mfalme Sauli na kumwambia kuwa mimi nitakwenda kupigana na Goliathi na kumuua, kumbuka Daudi anayasema hayo lakini yeye si mwanajeshi, maneno yake yaliposikiwa na Mfalme, Mfalme alimwambia huwezi kupgana na huyo jamaa kwa kuwa yeye ni mtu wa vita tangu ujana wake lakini Daudi akamwambia Mfalme kuwa “kama Mungu aliniokoa na makucha ya simba na dubu” basi huyu mfilisti nitamuua pia. Daudi alikumbuka matendo makuu ya Mungu na ndio maana akapata uajasiri wa kukabiliana na Goliathi.

2.Nabii Eliya (1 Wafalme  18;22-24)

Nabii Eliya alipowaambia watu waje washuhudie nani ni Mungu wa kweli kati ya Baali na Bwana kwa kuwaambia kuwa Mungu atakayejibu kwa moto ndiye Mungu wa kweli Biblia haituambii kuwa Eliya amewahi kuomba na moto ukashuka, ila Nabii Eliya alikumbuka kuwa kama amewahi kuomba mambo makubwa na Mungu akafanya basi hata siku hiyo Mungu atashusha moto na ndio maana Nabii Eliya hakuwa na mashaka na Mungu wake.

àWana wa Israeli walipta matatizo makubwa sana kwa kuwa walikuwa wasahaulifu wa matedno makuu ya Mungu, hawakukumbuka mambo makubwa ambayo wamewahi kuyaona kwa macho Mungu akifanya ndio maana walipokumbana na changamoto waliacha kumuamini Mungu na mwishowe wakaangamia, kama wangekuwa watu wa kukumbuka kuwa kama Mungu aligawanya Bahari na wakapata njia, kama kuta za Yeriko zilianguka, kama mwamba ulitoa maji n.k basi ilikuwa ni sababu tosha ya kuwafanya wasiwe na hofu na Mungu wao lakini kwa kwa kuwa walisahau matendo makuu ya Mungu ndio maana waliangamia.

3.Uuumbaji wa Mungu (Zaburi 24:1)

Ikiwa unatambua Mungu ndiye aliyeumba kila kitu, basi hiyo ni sababu tosha ya kukufanya uzidi kuweka imani yako kwa Mungu, kwa kuwa hakuna jambo gumu lolote asiloliweza Bwana.

ANGALIZO: Unapokumbana na tatizo usiangalie tatizo hebu angalia na ukumbuke matendo makuu ya Mungu aliyowahi kuyafanya na kisha angalia tatizo ulilonalo je! vinalingana? Na kama havilingani basi una sababu tosha ya kukufanya uzidi kumwamini Mungu, ikiwa Mungu alifufua wafu hajashindwa kukuponya ugonjwa, ikiwa alitoa maji kwenye mwamba hajashindwa kufanya chochote unachoomba n.k.

Mungu akubariki kwa kujifunza.

Kwa nini ukumbuke matendo makuu ya Mungu?

1.Itakusaidia kuimarisha imani yako kwa Mungu kwa kuwa pasipo imani hatuwezi kumpendeza Mungu (waebrania 11:6)

2.Itakusaidia kutengeneza ujasiri ndani yako wa kukabiliana na tatizo
(1 Samweli  17;23-24, 31-37)

Kwa ushauri/maswali n.k usisite kuwasiliana nami

maarifatime@gmail.com

0767955334