NAMNA YA KURUDI ULIPOKUWA AWALI KIROHO NA KIMWILI

Faraja Gasto

Utangulizi

Nakusalimu katika jina la Yesu Kristo lipitalo majina yote.

Watu wengi wamejikuta wakitoka mahali walipokuwa awali; kroho na kimwili. Ninapozungumzia kiroho namaanisha zamani mtu alikuwa na uwezo wa kufunga na kuomba, kuamka usiku na kuomba, kutoa sadaka nyingi n.k, kwa upande wa kiwmili namaanisha zamani mtu alikuwa na hali Fulani kiuchumi, kiafya n.k lakini kwa sasa hana hali hiyo na anatamani kurudi angalau mahali alipokuwa zamani na hajui anarudi vipi, hao ndio watu nataka kuzungumza nao na kupitia somo hili watapata mbinu za kibiblia za kuwarudisha mahali walipokuwa zamani.

Wengine kwa kwa kutojua mbinu zitakazowasaidia kurudi walipokuwa zamani wamejikuta wakiwa katika hali ya kukata tamaa na wengine wamejikuta wamepoteza furaha ya kuendelea kuishi kwa kuwaza kufa au kujiua.

Mambo ya kufanya ili kurudi ulipokuwa zamani

1.Kumbuka ni wapi ulipokosea na kisha omba Toba na anza kufanya uliyokuwa unafanya mwanzoni (Ufunuo wa Yohana 2:5)

Ukisoma hiyo habari utaona kuna mambo ambayo huyo mtumishi alikuwa akiyafanya kwanza  lakini ukafika wakati akaacha na alipoacha kumbe hakujua ANGUKO liko karibu ndio maana analetewa ujumbe AKUMBUKE ni wapi ALIKOANGUKIA ATUBU na kisha aanze kufanya alichokuwa anafanya mwanzoni ndipo ataweza kurudi kwenye NAFASI aliyokuwa nayo mwanzoni.

àJaribu kufikiri mtu alikuwa mwombaji lakini ikafika hatua akatoka kwenye vile viwango vya maombi maana yake ni kwamba ameanguka(ametoka katika NAFASI) aliyokuwa nayo awali kwa hiyo ili arudi kwenye ile NAFASI lazima afanye mambo aliyokuwa akifanya hapo awali.

àKama mtu ni mfanya biashara na imefikia hatua anapata hasara, lazima akumbuke zamani alifanyaje na akapata faida na alikosea wapi, baada ya kukumbuka achukue hatua ya kufanya alichokuwa anafanya mwanzoni.

(Luka 15:11-24)

Mwana mpotevu alipoteza FURSA ya kuishi maisha ya furaha kwa kuwa alijitenga na nyumba ya baba yake mwishowe alijikuta amekuwa ombaomba na akaanza kuwaza atawezaje kuishi maisha ya furaha kama mwanzo? Baada ya tafakari hiyo ndipo AKAKUMBUKA kuwa kule kwao hakuna shida, bali watu wanakula na kusaza ndipo akaamua kuchukua hatua ya KUTUBU na alipotubu ndipo alijikuta amerudi kwenye NAFASI aliyokuwa nayo mwanzo.

àHapa nataka nizungumze na watu ambao hawajamwamini Yesu, jaribu kufikiri mtu amepata ukimwi kwa sababu ya uzinzi au uasherati na afya yake imeharibika na anahitaji kuwa na afya aliyokuwa nayo mwanzo, jaribu kufikiri mtu alikuwa tajiri na sasa utajiri umekwisha na anahitaji kurudi kwenye hali nzuri ya uchumi kama mwanzo, kama huyu mtu hana Yesu atajikuta anaangamiza familia yake au watu wengine ili apate hali nzuri ya kiuchumi lakini ni vema kila mtu afajamu kuwa utajiri unaopatikana kwa njia haramu huwa haudumu na huwa unamwangamiza aliyenao, lakini utajiri unaopatikana kwa Mungu hauna huzuni ndani yake kwa kuwa Mungu ndiye anatupa nguvu za kupata utajiri, kwa hiyo kama haujamwaminini Yesu mwamini sasa kwa kuwa anaweza kukurudishia yale uliyopoteza atakusamehe maovu yote na atakuponya magonjwa yote na atakupa afya njema (Zaburi 103:3).

2.Vaa silaha zote za Mungu uweze kuzipinga hila za shetani (Waefeso 6:11)

Ni muhimu usimame katika maombi na kuweka maarifa ya neno la Mungu ndani yako kwa kuwa shetani anataka kuona mtu akiwa anapoteza nafasi(fursa) kila wakati kwa hiyo huwa na yeye anajipanga kumshambulia mtu ili amtoe kwenye nafasi aliyopo kwa hiyo lazima mtu azivae silaha zote za Mungu ili aweze kumshinda shetani.

Nataka nikupe mfano huu ili uweze kunielewa vizuri.

(Danieli 6:4-28)

Watu waliinua fitina dhidi ya Danieli kama ambavyo watu wanavyoinua fitina dhidi yaw engine ili wafukuzwe kazi n.k baada ya hao watu kumuinukia Danieli wakatengeneza mpango makakati ili Danieli aondolewe kwenye NAFASI aliyokuwa nayo kwanza, kumbuka ile nafasi aliyokuwa nayo ilimfanya aishi vizuri(alikula mema ya nchi) na watumishi wenzake wakamuonea wivu wakajipanga ili kumpoteza, lakini Danieli alikuwa mwombaji na hata alipotupwa kwenye tundu la simba ili auawe, Mungu alimtuma malaika ili kuzuia madhara yaliyokusudiwa dhidi yake.

àDanieli alipoteza NAFASI ya uongozi kwa muda lakini kwa kuwa alizidi kumtumaini Mungu, siku moja alirudishwa kwenye nafasi tena na waliomtakia mabaya wakauawa.

Mungu akubariki kwa kujifunza.

Kwa ushauri/maswali n.k usisite kuwasiliana nami

maarifatime@gmail.com

                                                                   0767955334